Britaniyalik huquqshunosning Rossiyadagi muvaffaqiyati. "Raketa" soatlari hashamatli brendga aylandi

Buyuk Britaniyalik sobiq huquqshunos Devid Xenderson-Styuart Sankt-Peterburg yaqinidagi inqirozga yuz tutgan "Raketa" soat zavodini premium darajadagi brendga aylantirdi. Avvalroq kosmonavtlar va ommaviy bozor uchun soat ishlab chiqargan ushbu korxona endilikda eksklyuziv modellar tayyorlashga ixtisoslashgan. Hatto Vladimir Putin ham ushbu zavodning sho‘’ba korxonasi hisoblangan "Imperator Petergof zavodi"da ishlab chiqarilgan soatni taqadi.

​Xenderson-Styuartning rahbarligi ostida kompaniya Rossiyada ishlab chiqarilgan mahsulotlarga urg‘u berib, muvaffaqiyatga erishdi. Ukrainadagi urush sababli kiritilgan g‘arb sanksiyalari Rossiyadagi xorijiy qimmat tovarlar do‘konlarining yopilishiga olib kelgan bo‘lsa-da, bu "Raketa" mahsulotlariga bo‘lgan ichki talabning ortishiga xizmat qildi. O‘z ta’minot zanjiriga ega bo‘lgan kompaniyaning Yevropa va Yaqin Sharqqa savdolari ham davom etmoqda.