"Real" Chempionlar ligasida ikkinchi bor g‘olib bo‘ldi

Madridning "Real" klubi Yoshlar o‘rtasidagi UYEFA Chempionlar ligasida ikkinchi bor g‘oliblikni qo‘lga kiritdi.

Finalda "qirollik klubi" Belgiyaning "Bryugge" jamoasini penaltilar seriyasida 4:2 hisobida mag‘lub etdi. Asosiy vaqt 1:1 hisobida yakunlangan.

Uchrashuv Shveysariyaning Lozanna shahrida bo‘lib o‘tdi. 23-daqiqada Xakobo Ortega "Real"ni oldinga olib chiqqan bo‘lsa, 64-daqiqada Tobas Yensen hisobni tenglashtirdi.

Penaltilar seriyasida darvozabon Xavyer Navarro qahramonga aylandi — u ikki zarbani qaytardi. Shu bilan birga, "Real" futbolchilari barcha penaltilarni aniq amalga oshirdi.