Latviyada yashovchi 3,6 mingga yaqin ruslar latviya davlat tili imtihonidan o‘ta olmagani uchun mamlakatni tark etishga majbur bo‘ladi.
Bu haqda “Zinas.tv3” xabar berdi.
“Keyingi haftada 3600 nafar Rossiya fuqarosi uch oy ichida Latviyani tark etishi kerakligi haqida xat oladi”, — deyiladi xabarda.
Latviya Ichki ishlar vazirligi davlat kotibi o‘rinbosari Vilnis Vitolinsning so‘zlariga ko‘ra, ushbu buyruqni bajarishdan bosh tortganlik uchun jinoiy javobgarlik yo‘q, biroq jarima solinishi mumkin.
