Krishtianu Ronaldu 2026 yilgi jahon chempionati uning uchun so‘nggisi bo‘lishini ma’lum qildi

Portugaliya terma jamoasi hujumchisi bu haqda Saudiya Arabistonidagi forumda ma’lum qildi

"Kelgusi jahon chempionati mening faoliyatimdagi so‘nggisi bo‘ladi. O‘shanda men 41 yoshda bo‘laman. Avval aytganimdek, men hozirgi onlardan zavqlanyapman", — dedi futbolchi.

2026 yilgi futbol bo‘yicha jahon chempionati 11 iyundan 19 iyulgacha AQSH, Meksika va Kanadada bo‘lib o‘tadi. Bu turnir Ronaldu uchun faoliyatidagi beshinchi jahon chempionati hisoblanadi.