Kreml Ukrainada saylov o‘tkazish uchun 60 kunlik sulh tuzish taklifini rad etdi

Reuters agentligining Rossiya prezidenti matbuot kotibi Dmitriy Peskovga tayanib xabar berishicha, Kreml Ukraina hududida saylov o‘tkazish uchun 60 kunlik sulh tuzish taklifini qabul qilmagan.

Peskovning ta’kidlashicha, Rossiya bir necha bor vaqtinchalik sulh emas, balki uzoq muddatli tinchlik tarafdori ekanini bildirgan va bunga erishish uchun qo‘lidan kelgan barcha ishni qilishga tayyor.

Kremlda prezident Putin ham, boshqa darajadagi amaldorlar ham bir necha bor biz o‘t ochishni to‘xtatishni xohlamasligimizni aytishdi. Biz uzoq muddatli tinchlikni istaymiz va unga erishish uchun qo‘limizdan kelgan barcha ishni qilishga tayyormiz," - dedi Peskov.

Nashrning qayd etishicha, Rossiya uzoq vaqtdan beri Ukrainada saylovlar o‘tkazilishini talab qilib kelmoqda va saylovlarning o‘tkazilmasligi Zelenskiyni noqonuniy yetakchiga aylantirishini ta’kidlamoqda. Ukraina qonunchiligi urush paytida saylovlar o‘tkazishni taqiqlaydi.