Kreml: Rossiya va AQSh yaqin kunlarda Putin va Tramp uchrashuvi bo‘yicha kelishib oldi, uchrashuv joyi allaqachon muvofiqlashtirilgan

"Amerika tomonining taklifiga binoan, yaqin kunlarda oliy darajadagi ikki tomonlama uchrashuv, ya’ni prezident Vladimir Putin va Donald Trampning uchrashuvini o‘tkazish bo‘yicha kelishuvga erishildi", — dedi Rossiya prezidentining yordamchisi Yuriy Ushakov.

Uning so‘zlariga ko‘ra, Moskva va Vashington uchrashuv bo‘yicha “aniq tayyorgarlik jarayoni”ga kirishmoqda.

Ushakovning ta’kidlashicha, AQSh prezidentining maxsus vakili Uitkoff tomonidan bildirilgan Putin, Tramp va Zelenskiy o‘rtasidagi uch tomonlama uchrashuvni o‘tkazish taklifi esa Moskva tomonidan “izohsiz qoldirilgan”.