Kreml: Rossiya Ukraina bilan hududlarni almashish masalasini muhokama qilmaydi

Rossiya Ukraina bilan hududlarni almashish masalasini muhokama qilmaydi. Bu haqda Kreml xabar berdi.

Avvalroq Ukraina prezidenti Volodimir Zelenskiy "bir hududni boshqasiga almashtirish" haqida gapirgan edi.

"Bu mumkin emas. Rossiya hech qachon va hech qanday holatda o‘z hududini almashish masalasini muhokama qilmagan va qilmaydi ham. Ukraina qo‘shinlari Rossiya hududidan chiqarib yuboriladi. Yo‘q qilinmaganlar haydab chiqariladi", — deya ta’kidladi Rossiya prezidenti matbuot kotibi Dmitriy Peskov.