Rossiyaning yangilangan yadroviy doktrinasi Ukrainaning G‘arbning oddiy raketalaridan foydalanishiga yadroviy javob berishga imkon beradi. Bu haqda Rossiya prezidenti matbuot kotibi Dmitriy Peskov ma’lum qildi.
Peskovning tushuntirishicha, yadroviy to‘xtatib turish Rossiya yoki uning ittifoqchilariga hujum qilingan taqdirda o‘ch olishni kafolatlashga qaratilgan. Uning ta’kidlashicha, doktrina oddiy qurollardan foydalangan holda tajovuz qilish Rossiya va Belarusning hududiy yaxlitligi yoki suverenitetiga jiddiy tahdid solishi mumkin bo‘lgan vaziyatlarni qamrab oladi.
Rossiya harbiylari AQSh tomonidan Kursk viloyatiga hujumlar uchun ishlatilishi kutilayotgan ATACMS raketalarini yetkazib berish haqidagi xabarlarga alohida e’tibor qaratmoqda. Peskov vaziyat diqqat bilan kuzatilayotganini ta’kidladi.
«Yadro davlati ishtirokida yoki ko‘magida har qanday yadroga ega bo‘lmagan davlat tomonidan Rossiya Federasiyasiga tajovuz qilish ularning birgalikdagi hujumi hisoblanadi. Bu ham juda muhim paragraf», — dedi Peskov.
Ayni paytda, bir kun avval AQSh Davlat kotibining G‘arbiy yarimshar masalalari bo‘yicha yordamchisi Brayan Nikols AQSh prezidenti Jo Bayden Ukrainaga Rossiya hududiga uzoq masofali qurolli zarbalar berishga ruxsat berganini rasman tasdiqladi.
«Bayden Ukrainaga foydalanishga ruxsat bergan qurollar uning mudofaa qobiliyatini mustahkamlaydi va umid qilamanki, Rossiyaga Ukraina hududlarini zo‘rlik bilan egallab olish muvaffaqiyatsizlikka uchrashini tushuntiradi», dedi Nikols.
Mudofaa vazirligi murojaat bilan chiqdi
Dunyoning tabiiy zaxirlari qiymati bo‘yicha eng boy 10 mamlakati
Filipp Kirkorov qidiruvga berildi
