"Kosmos-2553" maxfiy rus sun’iy yo‘ldoshi muvaffaqiyatsizlikka uchradi

Kosmik yadroviy qurol dasturiga aloqador bo‘lgan "Kosmos-2553" maxfiy rus sun’iy yo‘ldoshi muvaffaqiyatsizlikka uchradi. Bu haqda Reuters xabar bermoqda.

Agentlikning yozishicha, sun’iy yo‘ldosh Rossiya Federasiyasi tomonidan Ukrainaga keng ko‘lamli bostirib kirishidan bir necha hafta oldin uchirilgan va o‘tgan yil davomida nazoratsiz aylanib yurgan bo‘lishi mumkin. U Yerdan taxminan 2000 km uzoqlikda, kuzatuv yoki aloqa sun’iy yo‘ldoshlari odatda qochib ketadigan kosmik nurlanish nuqtasida joylashgan.

Ushbu sun’iy yo‘ldosh Rossiya razvedkasi uchun mo‘ljallangan radar sun’iy yo‘ldoshi hisoblanadi. Shuningdek, u radiasiya sinovlari uchun platforma bo‘lib xizmat qiladi. Aynan "Kosmos-2553" AQShning o‘tgan yili Rossiyani SpaceX Starlink tizimi kabi butun sun’iy yo‘ldosh tarmoqlarini yo‘q qilishga qodir bo‘lgan yadro qurolini ishlab chiqishda ayblashi bilan bog‘liq. Biroq Kreml bu ma’lumotni rad etadi.