Indoneziya hukumati koronavirusni yuqtirgan bemorlarni odam yashamaydigan Galang oroliga joylashtirishni rejalashtirmoqda, deya xabar berdi «Jakarta Post» gazetasi.
Avvalroq Indoneziyada ikki kishi yangi koronavirusni yuqtirgani ma’lum qilingandi.
Qurolli kuchlar qo‘mondoni Xadi Tyadjanto so‘zlariga ko‘ra, Galang orolida 1979-1996 yillarda Vyetnamdan kelgan qochoqlar uchun lager sifatida foydalanilgan shifoxona bo‘lib, u yerda bir nechta binolar saqlanib qolgan. Gospital karantin markazi vazifasini ham bajarishi mumkin.
