Kichik Donald prezidentlikka nomzodini qo‘ymoqchi

Donald Trampning o‘g‘li 2028 yilgi prezidentlik saylovida nomzod bo‘lishi mumkin.

AQSh prezidenti Donald Trampning to‘ng‘ich o‘g‘li — kichik Donald Tramp 2028 yilgi prezidentlik saylovlarida Respublika partiyasi nomidan ishtirok etishi mumkin. Bu haqda AQShning nufuzli The Hill nashri xabar bermoqda.

Nashrning yozishicha, kichik Tramp yaqinda bergan intervyusida otasi Oq uydan ketgach, o‘zi saylovlarda qatnashishni istisno qilmasligini bildirgan. Bu bayonot uni ehtimoliy nomzodlar safida ko‘rsatmoqda.

Respublikachilar partiyasida kuchli raqobat kutilmoqda. Kichik Trampning siyosiy sahnaga kirib kelishi ushbu poygaga alohida e’tibor qaratilishiga sabab bo‘lmoqda.