Kanadalik olimlar AQShga "keraksiz" sayohatlardan qochishni maslahat berishdi

Kanada Universitet O‘qituvchilari Assosiasiyasi (CAUT) akademiklarni Qo‘shma Shtatlarga "keraksiz" sayohatlardan qochishga chaqirdi.

"Olimlar chegaralarni kesib o‘tishda o‘zlarining elektron qurilmalarida qanday ma’lumotlar borligini yoki bo‘lishi kerakligini diqqat bilan baholashlari va kerak bo‘lganda nozik ma’lumotlarni himoya qilish choralarini ko‘rishlari kerak", deyiladi CAUT veb-saytida e’lon qilingan bayonotda.

Bayonotda olimlarga mamlakatdagi "tez o‘zgaruvchan siyosiy vaziyat" va chegarani kesib o‘tishda duch kelgan qiyinchiliklar tufayli faqat o‘ta zarurat tug‘ilganda AQShga borish tavsiya qilingan.

Qayd etilishicha, ayrim olimlar bu ogohlantirishga "alohida e’tibor berishlari" kerak. Keltirilgan misol "AQShning amaldagi ma’muriyatining siyosati haqida salbiy fikr bildirganlar" va "tadqiqotlari AQSh ma’muriyatining pozisiyasiga zid deb ko‘rilishi mumkin".

CAUT veb-saytiga ko‘ra, assosiasiya 72 000 dan ortiq olimlar, kutubxonachilar va tadqiqotchilarni o‘z ichiga oladi.

Mahalliy ommaviy axborot vositalari AQSh bojxona va chegara qo‘riqlash xizmati ma’lumotlariga asoslanib, 2025 yil mart oyida Kanadadan mamlakatga kiruvchilar soni o‘tgan yilning shu davriga nisbatan taxminan 32 foizga kamayganini ko‘rsatadi.