Kanada Bosh vaziri Jastin Tryudo va uning yaponiyalik hamkasbi Kisida Fumio mudofaa sohasida hamkorlik imkoniyatlarini muhokama qildi va global muammolarni hal qilishda birgalikda ishlashga tayyorligini bildirdi.
Ikki davlat rahbarlarining uchrashuvi San-Fransiskoda bo‘lib o‘tgan Osiyo-Tinch okeani iqtisodiy hamkorligi (APEK) yetakchilari sammiti doirasida bo‘lib o‘tdi.
Tomonlar Yaqin Sharqdagi mojarolar, Shimoliy Koreyaning yadroviy qurol dasturi va raketa tahdidi kabi global muammolarni hal qilishda birgalikda ishlashga tayyorligini bildirdi.
Tryudo Yaponiya yetakchiligi va uning G7 raisligi davrida qoidalarga asoslangan xalqaro tartibni saqlash bo‘yicha birgalikdagi sa’y-harakatlarini yuqori baholadi. Bosh vazirlar o‘z ustuvorliklarini ilgari surish yo‘lida birgalikda ishlashni davom ettirishni qo‘llab-quvvatlashlarini bildirdilar.
Hukumat rahbarlari savdo, sarmoya va innovasiyalar, shuningdek, barqaror ta’minot zanjirlarini barpo etish yo‘nalishlarida ikki tomonlama hamkorlik muhimligini ta’kidladilar.
Tryudo va Kisida Rossiya-Ukraina urushini ham muhokama qilishdi.
Qodirovning ahvoli juda og‘ir: u voris qidirmoqda
Fransiya Rossiya G‘alaba bayramiga taklif qilinmaganidan g‘azablandi
Agar Ukraina 9 may kuni Moskvaga hujum qilsa, Rossiya Kiyevga “Oreshnik” quroli bilan zarba berishi mumkin
