AQShning Kaliforniya shtatidagi o‘likxonalarda bo‘sh joylar qolmadi.
Bu haqda “CTV News” telekanali xabar berdi.
Los-Anjeles dafn marosimi byurosi rahbari Magda Maldonadoning aytishicha, ushbu holat uning 40 yillik faoliyati davomida birinchi marta sodir bo‘lgan.
Uning so‘zlariga ko‘ra, byuro xodimlari odatdagidan olti karra ko‘proq jasadlar tashishmoqda.
Kaliforniya dafn marosimlari byurolari assosiasiyasining ijrochi direktori shtatda jasadlarni yoqish jarayoni sezilarli darajada sekinlashganini ta’kidlamoqda: ilgari bu bir yoki ikki kun davom etgan bo‘lsa, endi bir haftadan ko‘proq vaqt talab etilmoqda.
