Kaliforniyada xususiy samolyot okeanga qulab tushdi

Kaliforniya shtatining Pasifik-Grouv shahrida uch kishini olib ketayotgan xususiy samolyot halokatga uchradi.

NBC xabariga ko‘ra, odamlarning hech biri tirik qolmagan.

Beech 95-B55 Baron Tinch okeani sohilidagi Poynt Pinos mayoqchasi yaqinida okeanga qulab tushdi. N8796R reysi San-Karlos aeroportidan uchib, Monterey mintaqaviy aeroportiga yo‘l olgan.

Halokatdan keyin qidiruv-qutqaruv operasiyasi boshlandi. Sohil xavfsizlik xizmati vertolyoti chaqirilgan.

Favqulodda xizmatlar bortdagi barcha uch kishi halok bo‘lganini tasdiqladi. Sohil xavfsizlik xizmatining aytishicha, birinchi qurbon ertalab topilgan. Qolgan ikki jasad tushdan keyin topilgan.

Samolyot bortidagilarning ismlari oshkor etilmagan. Halokat sabablari o‘rganilmoqda. Samolyot qoldiqlari qoyalarga va qirg‘oqqa yuvilib ketdi. U halokat sababini aniqlash uchun olib tashlanadi.

Mahalliy hukumatning hisob-kitoblariga ko‘ra, samolyot qirg‘oqdan taxminan 200-300 metr uzoqlikda suvga qulagan.