Janubiy Koreya Mudofaa vazirligi Shimoliy Koreya harbiylarining Kursk viloyatiga yuborilishi BMT Ustavi va Xavfsizlik Kengashi qarorlarini buzayotganini ma’lum qildi, deb xabar bermoqda Yonhap.
Janubiy Koreya hukumati Rossiya va KXDRni "qonunga xilof harbiy hamkorlik"ni darhol to‘xtatishga chaqirdi, chunki bu "Hind-Tinch okeani mintaqasi va undan tashqarida, jumladan Yevropada tinchlik va barqarorlikka jiddiy zarar yetkazmoqda".
Shuningdek, Seul Janubiy Koreya milliy xavfsizligiga tahdid soladigan har qanday harakatlarga qarshi barcha zarur choralarni ko‘rish uchun xalqaro hamjamiyat bilan yaqindan hamkorlik qilishni va’da qildi.
Rossiya Bosh shtabi rahbari Valeriy Gerasimov KXDRning janglardagi ishtirokini tasdiqladi va Kursk viloyati "to‘liq ozod etilgani" haqida ma’lum qildi. Pxenyan o‘z askarlarining ishtirokini "muqaddas vazifa" deb atadi.
Putin Kim Chen Inga minnatdorchilik bildirdi va bu xalqaro huquq hamda strategik sheriklik to‘g‘risidagi shartnomaga mos kelishini ta’kidladi.
2024 yilda imzolangan shartnoma tomonlarga hujum bo‘lgan taqdirda harbiy yordam ko‘rsatish majburiyatini yuklaydi.
"Biz neftni qayerdan sotib olishimiz, bizga eng foydali variantdan kelib chiqib hal qilinadi"
Si Koreya uchun, Kim Tayvan uchun ha deydi
Amerika Xitoydan zo‘r emasligini tan oldi
