Janubiy Koreya Ichki ishlar va xavfsizlik vazirligi qurbonlarga sabab bo‘lgan yirik o‘rmon yong‘inlari tufayli mamlakatning uchta hududida tabiiy ofat e’lon qildi.
Bu haqda vazirlik bayonotida aytiladi.
"Ko‘plab yong‘inlar, jumladan, Kyonsan-Namdo provinsiyasining Sanchxon okrugidagi yong‘in natijasida yetkazilgan jiddiy zarar tufayli Ulsan metropolitan shahri, shuningdek, Kyonsan-Pukto va Kyonsan-Namdo provinsiyalarida falokat holati e’lon qilindi. Bu yong‘inni o‘chirish uchun barcha mumkin bo‘lgan resurslarni safarbar qilish imkonini beradi" - dedi vazirlik.
Janubiy Koreya OAV ma’lumotlariga ko‘ra, yong‘inlarda to‘rt nafar o‘t o‘chiruvchi halok bo‘lgan, yana olti kishi, jumladan bir mahalliy aholi jarohatlangan.
Yonhap axborot agentligining xabar berishicha, 500 kishi evakuasiya qilingan, 260 kishi boshpanasiz qolgan va vaqtinchalik boshpanalarga joylashtirilgan.
Qayd etilishicha, jabrlangan hududlarda temir yo‘l harakati vaqtincha to‘xtatilgan va tezyurar avtomobil yo‘llari yopilgan.
Ukraina qurolli kuchlari rus qo‘shinlarining mudofaasini yorib o‘tib, Rossiyaning Belgorod viloyatidagi qishloqda mustahkamlandi
Makgregor yetti yilni panjara ortida o‘tkazishi mumkin
Rossiya harbiylari Ukraina Qurolli kuchlarining qurol zavodi va aerodromiga zarba berdi
