Mamlakat prokuraturasi sobiq prezident Yun Sok Yolni 30 yilga ozodlikdan mahrum qilishni so‘radi. U 2024 yil dekabr oyida mamlakatda harbiy holat e’lon qilish uchun bahona yaratish maqsadida Pxenyan uzra dronlar operasiyasini o‘tkazishga buyruq berganlikda ayblanmoqda.
"Yonhap" agentligining xabariga ko‘ra, tez orada Seul markaziy tuman sudi ushbu ish bo‘yicha yakuniy hukmni e’lon qilishi kutilmoqda. Bu Yun Sok Yolga nisbatan ochilgan sakkizta sud ishidan biridir. U o‘tgan yili qisqa muddatli harbiy holat e’lon qilib, Osiyoning eng barqaror demokratiyalaridan biri hisoblangan mamlakatni shokka tushirganidan so‘ng hokimiyatdan chetlatilgan edi.
Prokuraturaning ta’kidlashicha, dronlar operasiyasi Shimoliy Koreya bilan harbiy keskinlikni oshirib yuborgan va dronlardan biri qulab tushgach, Janubiy Koreyaning maxfiy harbiy ma’lumotlari fosh bo‘lish xavfini yuzaga keltirgan. Yun Sok Yolning advokatlari esa u barcha ayblovlarni inkor etayotganini va Shimoliy Koreya bilan to‘qnashuv keltirib chiqaradigan hech qanday harakat qilmaganini aytmoqda.
Shunga qaramay, sobiq prezidentga "dushmanga ko‘maklashish" ayblovi ham qo‘yilgan. Bu ayblov to‘g‘ridan-to‘g‘ri til biriktirish bo‘lmasa-da, mamlakat harbiy manfaatlariga zarar yetkazish yoki raqib tomonga foyda keltiradigan harakatlar uchun qo‘llaniladi.
Tehron Eron kemasini qo‘lga olganidan keyin AQSh harbiy kemalariga hujum qildi
Eron Isroil bilan aloqa qilganligi uchun yuqori lavozimli amaldorni qatl qildi
Eron AQShni “yakuniy jazo” bilan tahdid qildi
