Janubiy Koreya prezidenti devonining barcha xodimlari iste’foga chiqdi. Bu haqda Yonhap xabar berdi.
Bugun ertalab poytaxt Seul va mamlakatning boshqa shaharlarida prezident iste’fosini talab qiluvchi namoyishlar boshlandi.
Parlamentda ko‘pchilikni tashkil etuvchi muxolifatdagi Demokratik partiya deputatlari, agar prezident Yun Sok Yolning o‘zi iste’foga chiqmasa, impichment jarayonini boshlashlarini bildirishdi.
Impichment e’lon qilish uchun uni mamlakat Milliy assambleyasining 300 nafar deputatidan 200 nafari qo‘llab-quvvatlashi kerak. Hozirda muxolifat parlamentning 170 o‘rnini nazorat qiladi.
