AQSh prezidenti Donald Tramp Pekinning AQShdan barcha importga yangi bojlar joriy etish qaroriga munosabat bildirib, Xitoy sarosimaga tushib qolganini va xato qilganini ta’kidladi.
"Xitoy vahimaga berilib, qo‘pol xatoga yo‘l qo‘ydi - bu u o‘ziga ravo ko‘ra olmaydigan hashamatdir!" - deya AQSh prezidenti Truth Social ijtimoiy tarmog‘idagi postida o‘z bayonotining tafsilotlariga kirishmay yozdi.
Bundan oldin XXR Davlat kengashi huzuridagi tariflar bo‘yicha Xitoy komissiyasi 10 apreldan boshlab AQShdan keladigan barcha tovarlarga 34 foiz miqdorida qo‘shimcha bojlar joriy etilishini e’lon qilgan edi. Bu qadam Tramp ma’muriyati tomonidan o‘rnatilgan yangi tariflarga javoban ko‘rilgan chora bo‘ldi. Komissiya bayonotida ta’kidlanishicha, AQShning bu harakatlari xalqaro savdo me’yorlarini buzadi, Xitoyning qonuniy manfaatlariga zarar yetkazadi va "qo‘rqitish siyosatining ochiq-oydin namoyon bo‘lishi" hisoblanadi.
Cho‘ntakka zarba: Go‘sht narxi “uchib ketdi” – O‘zbekistonda mart oyida 9,1% oshdi!
🔴 BAA sudidan shov-shuvli qaror: o‘zbekistonliklar o‘limga hukm qilindi!
Quvayt endi Eronga oshkora va’da berdi
