Italiyaning beshta hududida rekord darajadagi qurg‘oqchilik tufayli favqulodda holat e’lon qilindi

Italiya hukumati dushanba kuni mamlakat shimolidagi qurg‘oqchilikdan aziyat chekayotgan aksariyat hududlarda favqulodda holat e’lon qildi, deya xabar bermoqda Associated Press (AP) .

Agentlik ma’lumotlariga ko‘ra, favqulodda holat beshta hududga taalluqlidir: Emiliu-Romanyu, Friuli-Venesiyu-Julyu, Lombardiya, Pyemont va Veneto. Ba’zi shaharlarda, xususan, Veronada, qurg‘oqchilik tufayli ular hatto suvdan foydalanishga cheklovlar kiritdilar.

Hukumatning favqulodda holat e’lon qilish haqidagi qarori asosiy qishloq xo‘jaligi hududlariga 36,5 million yevro mablag‘ ajratish imkonini beradi. APning ta’kidlashicha, yordam miqdori dushanba kuni kechqurun vazirlar mahkamasi tomonidan tasdiqlangan.

Shu bilan birga, qurg‘oqchilik Italiyaning janubiy va markaziy hududlariga ta’sir qila boshlagani ta’kidlangan.