Istanbulning to‘rt tumanida ommaviy tadbirlarni o‘tkazish taqiqlandi

Istanbulning to‘rt tumanida bir kunga ommaviy tadbirlar o‘tkazish taqiqlandi.

Bu haqda shahar ma’muriyati shunday qaror qabul qilgan.

Cheklovlar bir necha guruhlar tomonidan shaharda noqonuniy yig‘ilishlar, yurishlar va norozilik namoyishlari o‘tkazish rejalari haqida olingan ma’lumotlardan so‘ng kiritildi.

Bu voqealar "tinchlik va jamoat tartibini buzishi, shuningdek, provokasiyalarga olib kelishi" inobatga olinib, Beyo‘g‘lu, Bayrampasha, Kagithane va Shishli tumanlarida 26 oktyabr kuni Turkiya vaqti bilan soat 12:01 dan 23:59 gacha barcha ommaviy tadbirlar taqiqlandi.