Istanbuldan Toshkentga uchgan samolyot Anqara aeroportiga favqulodda qo‘nishni amalga oshirdi. Bu haqda «Uzbekistan Airways» matbuot xizmati xabar berdi.
Qayd etilishicha, bugun, 30 oktyabr kuni HY282 reysi bo‘yicha Istanbuldan Toshkentga uchayotgan samolyot bortida bo‘lgan yo‘lovchi o‘zini yomon his qilgan. Shu bois samolyot komandiri Anqara xalqaro aeroportiga qo‘nishni so‘ragan.
Toshkent vaqti bilan 10:12 da samolyot Anqara shahridagi aeroportga muvaffaqiyatli ravishda qo‘ndirilgan. Shundan so‘ng tibbiy xizmatlar yo‘lovchini reysdan tushirib, tibbiyot muassasasiga yetkazgan.
«Toshkent vaqti bilan 13:20 da samolyot Anqaradan Toshkentga uchib ketdi. Samolyot Toshkent xalqaro aeroportiga 16:10 da yetib kelishi kutilmoqda», deyiladi «UzAirways» xabarida.
Alisher Usmonov nomzodini 103ta davlat qo‘llab-quvvatladi
Rossiya Eronni ogohlantirgani ma’lum bo‘ldi
Ukraina frontining «qulashi» e’lon qilindi
