“Istanbul sud tibbiy ekspertizasiga hozircha jasad olib kelinmadi” — Bosh konsulxona munosabati

O‘zbekistonning Istanbuldagi Bosh konsulxonasi ma’lum qilishicha, Turkiyada o‘ldirilgan Sayyora Ergashaliyeva va Durdona Hakimova yaqin dugona bo‘lgan.

Dastlabki ma’lumotlarga ko‘ra, 22 yanvar kuni ular gumonlanuvchilar bilan Istanbulning Fotih tumanidagi restoranda uchrashgan. 23 yanvar kuni Sayyora Ergashaliyeva pichoqlab o‘ldirilib, jasadi bo‘laklangan holda chiqindi qutisiga tashlangan. Keyin uning telefoni orqali Durdona Hakimova chaqirib olinib, u ham xuddi shu tarzda o‘ldirilgan.

Bosh konsulxonaga ko‘ra, OAVda jasad topilgani haqida xabarlar tarqalgan bo‘lsa-da, Istanbul sud tibbiy ekspertizasiga hozircha jasad olib kelinmagan. Holat konsulxona nazoratida, tergov harakatlari davom etmoqda.