Ispaniyaning «Barselona» klubi Chempionlar ligasi 1/4 finali ilk o‘yinida «Atletiko»ga qarshi uchrashuvdan keyin UYEFAga rasmiy shikoyat yo‘llash imkoniyatini ko‘rib chiqmoqda.
Jurnalist Sikve Rodriges ma’lumotiga ko‘ra, gap «matraschilar» himoyachisi Mark Pubilning o‘z jarima maydonida to‘pni qo‘l bilan o‘ynagan epizodi haqida ketmoqda. «Barselona» ushbu holatda raqib darvozasiga penalti belgilanmaganidan norozi bo‘lib, buni jiddiy hakamlik xatosi deb hisoblamoqda.
Kataloniyaliklar bosh murabbiyi Xansi Flik ham uchrashuvdan so‘ng aynan shu epizod bo‘yicha noroziligini bildirgan. Xabar qilinishicha, klubda keyingi qadamlarni muhokama qilish uchun uchrashuv rejalashtirilgan.
Eslatib o‘tamiz, o‘tgan tun «Barselona» o‘z maydonida «Atletiko»ga 0:2 hisobida mag‘lub bo‘ldi. Javob uchrashuvi 14 apreldan 15 aprelga o‘tar kechasi Madridda bo‘lib o‘tadi.
Gari Nevill - Abduqodir Husanov haqida: «Hech qachon bunaqasini ko‘rmaganman»
Gvardiolaning yordamchisi: «Husanov shu qadar tezki...»
Rasman: O‘zbekiston terma jamoasiga ispaniyalik murabbiy tayinlandi
