"Isroilning tinchlik yo‘lini tanlashga qiziqishi yo‘q"

Kreml Isroilning tinchlik yo‘lini tanlashga qiziqishini ko‘rmayapti. Bu haqda Rossiya prezidenti matbuot kotibi Dmitriy Peskov ma’lum qildi.

"Bilasizki, Rossiya tomoni, xususan prezident Vladimir Putin zarurat tug‘ilganda Rossiya Eron va Isroil o‘rtasida vositachilik xizmatlarini ko‘rsatishga tayyorligini aytgandi. Ayni paytda biz, Isroil tomonidan hech qanday vositachilik xizmatlariga murojaat qilish va umuman olganda, mojaroni tinch yo‘l bilan hal etish yo‘lini tanlash niyati yo‘qligini ko‘rmoqdamiz", — Peskov.

Avvalroq Rossiya Tashqi ishlar vazirligi agar tegishli so‘rov tushsa, Moskva mojaro bo‘yicha vositachilik qilishga tayyor ekanini bildirgandi.