Isroillik jurnalist Yoana Gonen Sde Teyman harbiy qamoqxonasida falastinlik mahbusni qiynoqqa solgan va jinsiy tazyiq qilgan askarlarni “qahramon” sifatida ko‘rsatishga urinishlarni qattiq tanqid qildi.
Gonen “Haaretz” nashrida chop etilgan maqolasida Tel-Aviv hukumati mazkur jinoyatni yashirishga harakat qilayotganini keskin qoraladi. Uning ta’kidlashicha, bu holat “zamonaviy Isroilning sharmandalik va xorlik bilan to‘la qiyofasiga aylandi”.
Jurnalist savol qo‘ydi:
“Oxir-oqibat biz nima xohlagan edik? Qiynoqlar tinchgina, dunyo bilimi va aralashuvisiz amalga oshirilishi uchunmi?”
Maqolada aytilishicha, falastinlik mahbusning zo‘rlanishiga oid videoni ommaviy axborot vositalariga siznirgan sobiq bosh harbiy prokuror Yifat Tomer-Yerushalmi hibsga olingan. Shu orqali hukumat jinoyatni fosh etgan shaxsni jazolab, aybdorlarni himoya qilayotgani ta’kidlangan.
Gonenning yozishicha, hukumat jinoyatni yashirish bilan shug‘ullanayotgan bir paytda, Sde Teyman qamoqxonasidagi tasvirlar Isroil jamoatchiligida qattiq muhokamalarni keltirib chiqargan.
“Zamonaviy Isroilni hech kim qo‘li bog‘langan holda falastinlik mahbusga hujum qilgan besh askardan ko‘ra yaxshiroq ifoda etolmaydi”, — deb yozdi Gonen.
Inson huquqlari tashkilotlari ma’lumotlariga ko‘ra, Isroil qamoqxonalarida 10 mingdan ortiq falastinlik, jumladan ayollar va bolalar saqlanmoqda. Ular ko‘pincha qiynoqlar, ochlik va tibbiy e’tiborsizlikka duch kelmoqda.
2026 yilda oylik, stipendiya, pensiya va nafaqalar oshiriladi
Guliston shahridagi ovqatlanish shoxobchasida portlash ro‘y berdi (video)
Eronda 61 mln tonnalik oltin zaxirasi topildi
