Isroillik harbiylar endi faqat iPhone ishlatadi

Isroil armiyasi podpolkovnik va undan yuqori unvonli harbiylar uchun xizmat telefonlarida Androiddan foydalanishni taqiqlamoqchi. Yuqori lavozimdagi ofiserlarga rasmiy aloqa uchun faqat iPhone ishlatishga ruxsat beriladi.

Bu qaror kiberhujumlar xavfini kamaytirish maqsadida qabul qilinmoqda.

Qaror haqida birinchi bo‘lib Isroil armiyasi radiosi xabar berdi, keyinroq ma’lumotni The Jerusalem Post nashri tasdiqladi. Buyruqqa ko‘ra, podpolkovnik unvonidan boshlab komandirlarga xizmat vazifalari uchun faqat iPhone’dan foydalanishga ruxsat beriladi. Bu qurilmalarni buzish va yuqori martabali ofiserlarning telefonlaridan nozik ma’lumotlarning sizib chiqishi xavfini kamaytirish istagi bilan izohlanadi.

Shu bilan birga, bu qaror Google’ning AQSh mudofaa sektoridagi so‘nggi yutuqlari fonida ayniqsa yaqqol ko‘rinadi. Sentyabr oyida kompaniya Pixel smartfonlari AQSh Mudofaa vazirligi (DoDIN) tarmog‘ining ma’qullangan qurilmalari ro‘yxatiga kiritilgani haqida xabar berdi.