Isroilda 1 200 dan ortiq ultra-ortodoks yahudiyni hibsga olish uchun orderlar berildi

Bunga sabab ular Isroilda chaqiruv qog‘ozi olgandan keyin harbiy xizmatga bormagan.

Bu haqda Isroilning The Jerusalem Post nashri xabar bermoqda.

2024 yilning yozida armiyaga chaqirilgan 18-26 yosh oralig‘idagi 3 ming nafar chaqiriluvchidan atigi 461 nafari harbiy xizmatga kelgan.

Isroil Oliy sudi 2024 yil iyun oyida ultra-ortodoks yahudiylarning diniy maktablari talabalarini harbiy xizmatdan ozod qilish to‘g‘risidagi qarorni bekor qilgan edi.

Malumot uchun, ultra-ortodoks yahudiylarning e’tiqodiga ko‘ra ularga harbiy xizmatni o‘tash va qurolli harakatlarda ishtirok etish mumkin emas.