Isroil va XAMAS 14 yanvar kuni sulh e’lon qilishi mumkin

Isroil va Xamas seshanba kuni e’lon qilinishi mumkin bo‘lgan sulh bitimi shartlarini yakunlamoqda.

Bu haqda arab va Isroil rasmiylari ma’lum qildi.

"Isroil va XAMAS seshanba kuni e’lon qilinishi mumkin bo‘lgan o‘t ochishni to‘xtatish kelishuvi shartlarini yakunlamoqda. Bu G‘azo sektoridagi janglarni hech bo‘lmaganda to‘xtatib, garovga olinganlarning bir qismini ozod qilishga olib keladigan kelishuvga umid uyg‘otadi”, — deya ta’kidlaydi nashr.

Tomonlar kelishuvning asosiy bandlari bo‘yicha kelishib oldilar, ammo ba’zi matnlarni haligacha yakunlashmoqda.

“Ikkala tomon ham avvalgi munozaralarda bo‘lgani kabi muzokaralar barbod bo‘lishi mumkinligidan ogohlantirdi”, — deya aniqlik kiritadi nashr.

Har qanday kelishuv hali ham Isroil xavfsizlik mahkamasi va to‘liq hukumat tomonidan tasdiqlanishi kerak. Ammo tomonlar erishilgan yutuqlarni muhim deb ta’riflab, bu oxirgi pauza 2023 yil oxirida tugaganidan beri o‘t ochishni to‘xtatishga eng yaqin bo‘lganini aytishdi.

Nashrning ta’kidlashicha, tomonlar 20 yanvarga belgilangan AQShning saylangan prezidenti Donald Trampning inaugurasiyasi oldidan kelishuvga erishmoqchi.