Isroil va Fransiya muxlislari orasida mushtlashuv sodir bo‘ldi

Parijdagi Stad de France stadionida Isroil va Fransiya terma jamoalari o‘rtasidagi o‘yin vaqtida ikki davlat muxlislari orasida mushtlashuv sodir bo‘ldi.

Ma’lum qilinishicha, Fransiya terma jamoasi muxlislarining aksariyati bugungi o‘yinni boykot qilgan. Bundan tashqari, Parijda Falastin tarafdorlari namoyishlari bo‘lib o‘tgan.

Bir hafta oldin Amsterdamda Yevropa kubogi doirasidagi “Ayaks” (Niderlandiya) va “Makkabi” (Isroil) o‘yinidan so‘ng Falastin tarafdorlari va isroillik muxlislar o‘rtasida to‘qnashuvlar bo‘lib o‘tgan edi.