Isroil mudofaa kuchlari Shimoliy harbiy okrugi qo‘mondoni general Ori Gordin va Bosh shtab operativ boshqarmasi boshlig‘i Oded Basyuk Isroil armiyasining Livandagi ehtimoliy hujumi rejalarini ma’qulladi. Bu haqda The Times of Israel nashri xabar berdi.
Qo‘mondonlik, shuningdek, qo‘shinlarni jangovar shay holatga keltirishni tezlashtirishga qaror qildi. Xabarlar «Hizbulloh» terrorchilik guruhi va ittifoqdosh Falastin qurolli kuchlarining Isroil shimolida hujumlari kuchaygan bir paytda keltirilmoqda.