Isroil harbiylari Sharqiy Quddusda otishma ochdi — falastinliklar yarador bo‘ldi

2025 yil 1 avgust kuni Isroil harbiylari tomonidan ishg‘ol qilingan falastin hududlarida — xususan, Sharqiy Quddus va Iordan daryosi G‘arbiy sohilida — o‘q otish holatlari kuzatildi. Hodisa natijasida ikki nafar falastinlik yarador bo‘ldi.

Falastin Qizil Yarim Oy jamiyati tarqatgan ma’lumotga ko‘ra, insidentlardan biri Sharqiy Quddusning shimolida joylashgan Beyt-Daku qishlog‘ida sodir bo‘lgan. Ma’lum qilinishicha, 21 yoshli falastinlik yigit ikki oyog‘idan og‘ir jarohat olgan va u hodisa joyida birinchi tibbiy yordam bilan ta’minlangan.

So‘nggi paytlarda Isroil harbiylari tomonidan falastinlik aholiga qarshi zo‘ravonliklar, reydlar va otishmalar soni keskin oshgani kuzatilmoqda. Bu esa mintaqadagi vaziyatni yanada keskinlashtirmoqda.

Falastin rasmiylari va inson huquqlari tashkilotlari xalqaro hamjamiyatni Isroilning ishg‘ol va tajovuzkorlik harakatlariga qarshi qat’iy choralar ko‘rishga chaqirmoqda.