Isroil harbiylari G‘arbiy Sohilda 22 falastinlikni qo‘lga oldi

Isroil armiyasi ishg‘ol ostidagi G‘arbiy Sohilda uyushtirgan reydlar chog‘ida 22 falastinlikni qo‘lga oldi.

Falastinning rasmiy axborot agentligi WAFA xabariga ko‘ra, Isroil kuchlari G‘arbiy Sohil shimolidagi Erixa shahri yaqinidagi Az-Zabidat qishlog‘ida reyd o‘tkazdi. Reydlar natijasida 20 nafar falastinlik hibsga olindi.

Isroil kuchlari G‘arbiy Sohil janubidagi Al-Xalil yaqinidagi Dura hududida ikki kishini qo‘lga oldi, deya xabar bermoqda mahalliy OAV.

Bundan tashqari, guvohlarning so‘zlariga ko‘ra, Al-Xalilning Sa’ir hududidagi reyd chog‘ida Isroil qo‘shinlari falastinliklarga qarata o‘t ochgan.

Falastin Qizil Yarim Oy jamiyati bergan bayonotda, 19 yoshli falastinlik yigitning bo‘yniga o‘q tegib, kasalxonaga olib ketilganini bildirdi.

2023 yilning 7 oktyabr kuni Isroilning G‘azo sektoriga hujumlari boshlanganidan buyon bosib olingan G‘arbiy Sohil va Sharqiy Quddusda falastinliklarni qo‘lga olish, reydlar va hujumlar soni ortgan.