Isroil G‘arbiy Erondagi raketalar va dronlarni saqlash joylariga zarba berdi

Isroil harbiy-havo kuchlari qiruvchi samolyotlari Eron g‘arbidagi nishonlarga bir qator keng ko‘lamli zarbalar berdi.

Bu haqda Isroil mudofaa kuchlari matbuot xizmati ma’lum qildi.

"Yaqinda 15 ta qiruvchi samolyot Eron g‘arbida keng ko‘lamli zarbalar to‘lqinini amalga oshirdi. Eron qurolli kuchlariga tegishli yer osti harbiy inshootlari, raketalarni saqlash joylari va uchuvchisiz uchoqlarga hujum qilindi", — deyiladi bayonotda.

Bundan tashqari, "Isroil harbiy-havo kuchlari samolyotlari Eronning markaziy qismiga zarba berib, Isroil hududi tomon o‘q otishga tayyor bo‘lgan raketalarni yo‘q qildi”, — deyiladi departamentda.