AQSh prezidenti Donald Tramp Isroil va Eron o‘rtasidagi mojaro bo‘yicha Amerika aralashuvi ehtimoliy emasligini bildirdi. Bu haqda u Nyu-Djersiga yetib kelganidan so‘ng jurnalistlarga ma’lum qildi.
«Nima bo‘lishini ko‘ramiz. Balki bunga ehtiyoj ham bo‘lmas», — dedi Tramp.
Trampning ta’kidlashicha, Isroilning yer osti infratuzilmalariga zarba berish imkoniyatlari cheklangan, biroq u Isroil hozirgi to‘qnashuvda «g‘alaba qozonmoqda» degan ishonchda.
Jurnalistlar AQSh nega Isroildan havo hujumlarini to‘xtatishni so‘ramasligini so‘raganida, Tramp:
«Hozir bunday iltimos bilan murojaat qilish juda qiyin», — deb javob berdi.
Shuningdek, Tramp AQShning Eron bilan diplomatik aloqalari davom etayotganini ma’lum qildi:
«Biz tayyormiz, biz istaymiz va biz qodirmiz. Biz Eron bilan gaplashyapmiz. Nima bo‘lishini ko‘ramiz. Hozir odamlar hushiga keladigan vaqt keldi», — dedi u.
Tramp Yevropa diplomatiyasining samarasiga ham shubha bildirdi. Uning so‘zlariga ko‘ra, Yevropa yetakchilari va Eron vakillari o‘rtasidagi uchrashuv «hech narsaga yordam bermaydi».
U shuningdek, Eron bilan mojaro diplomatik yo‘l bilan hal etilishi uchun yana ikki hafta muddat belgilaganini takrorladi.
Shu orada Germaniya va Yevropa Ittifoqi vakillari Eron «muhim masalalarni muhokama qilishga tayyor» ekanini tasdiqladi va diplomatik aloqalarni ochiq saqlash zarurligini ta’kidladilar.
Avvalroq Oq uyning matbuot kotibasi ham Tramp AQShning Isroil tomonida Eronga qarshi urushga qo‘shilishini ikki haftaga kechiktirishga qaror qilganini bildirgan edi — «diplomatiyaga imkoniyat berish uchun».
Icroil «Qizil to‘y» operasiyasi doirasida 12 daqiqa ichida Eronning harbiy rahbarlarini yo‘q qildi
Isroil mojarosiga aralashgan uchinchi davlat Eron tomonidan zudlik bilan jazolanadi
"Eron bu urushda yolg‘iz emas..."
