Ispaniyada jaziramadan 1060 kishi vafot etdi

Birgina 2025 yil iyul oyida Ispaniyada jazirama tufayli 1060 kishi halok bo‘ldi, deb yozadi Euronews.

Bu ko‘rsatkich 2024 yil iyul oyiiga nisbatan 57 foizga va 2023 yilning shu davriga nisbatan 54,5 foizga o‘sganini bildiradi. Joriy yil yuqori harorat tufayli 3 255 kishi halok bo‘ldi, va bu o‘tgan yildagi 2534 kishidan sezilarli darajada yuqori ko‘rsatkich. Va yoz hali tugamagan.

Davlat meteorologiya agentligi (Aemet) ma’lumotlariga ko‘ra, bu haftada Pireney yarim orolining katta qismi Ispaniyada yozning ikkinchi issiq to‘lqini xavfi ostida, bu kamida keyingi yakshanbaga qadar davom etishi kutilmoqda. Yuqori harorat sog‘liq uchun jiddiy xavf tug‘diryapti va avgust oyining birinchi jazirama to‘lqini ilk qurbonini olib ketdi: 85 yoshli erkak dushanba kuni Badajozda issiq urishdan vafot etdi.

5 avgust, seshanba kuni to‘qqizta avtonom jamoalar Badaxoz yoki Xaen kabi hududlarda 42°C gacha ko‘tarilishi mumkin bo‘lgan haddan tashqari harorat tufayli sariq yoki to‘q sariq rangli ogohlantirish e’lon qildi. Yirik shaharlarda havo harorati 38°C gacha ko‘tariladi.

Ayni paytda, Aemet yuqori harorat avgust oyining o‘rtalariga qadar davom etishi mumkinligiga ishontirdi. Bayonotda aytilishicha, yuqorida qayd etilgan hududlarda chorshanba va payshanba kunlari g‘ayritabiiy issiq qiymatlar davom etishi kutilmoqda, maksimal harorat seshanbaga o‘xshash va ba’zi joylarda undan yuqori.