Islandiya AQSh ma’muriyatining tashqi siyosatdagi harakatlari tufayli o‘z mudofaa qobiliyatini mustahkamlash va Yevropa Ittifoqiga a’zo bo‘lish bo‘yicha muzokaralarni qayta boshlash imkoniyatini ko‘rib chiqmoqda.
Bu haqda The Wall Street Journal xabar berdi.
Nashrning ta’kidlashicha, AQSh prezidenti Donald Trampning Daniyaga qarashli Grenlandiyani qo‘lga kiritish bilan tahdid qilishi, bojxona to‘lovlarini joriy etishi va Yevropaga nisbatan dushmanlik munosabati islandiyaliklarni xavotirga sola boshlagan. Islandiya bosh vaziri Kristrun Frostadottirning so‘zlariga ko‘ra, jamiyat qurolli kuchlarni faol qo‘llab-quvvatlamagan, biroq bu mamlakat o‘zini faol himoya qila olmaydi va ittifoqda bo‘la olmaydi, degani emas.
Tramp Kanada va Grenlandiya AQSh tarkibiga kirishi kerakligini bir necha bor ta’kidlagan. Uning so‘zlariga ko‘ra, u Panama kanalini ham AQSh nazoratiga qaytarmoqchi.
Islandiya NATO a’zosi bo‘lsa-da, muntazam qurolli kuchlarga ega emasligi sababli ittifoqni mustahkamlashga moliyaviy hissa qo‘shuvchi davlatlar ro‘yxatiga kiritilmagan. Mamlakat hududiy suvlarini nazorat qiluvchi qirg‘oq qo‘riqlash xizmati eng yirik harbiylashtirilgan tuzilma hisoblanadi.
Qozog‘iston Rossiya bilan urushga tayyorgarlik ko‘rmoqdami yoki bu shunchaki ichki chorami?
Moskva markazida ketma-ket portlashlar yuz berdi
Xitoyliklar orolni egalladi va tark etdi
