Iroq armiyasi matbuot kotibi Yahyo Rasulning aytishicha, Iroq Suriyada mamlakat shimoli-g‘arbini nazorat qilayotgan muxolif kuchlarga qarshi harbiy amaliyotlar boshlashi mumkin.
Harbiy qo‘mondon, agar muxolif guruhlarning Bashar al-Assad rejimiga qarshi hujumi Iroqqa ta’sir etsa, Bag‘dod «zudlik bilan harakat qiladi» deb ogohlantirdi.
Milliy televideniyeda so‘zlagan Rasul, Iroqning Asad rejimini qo‘llab-quvvatlashga tayyorligini bildirdi.
💬 «Biz ularning (muxolifat kuchlarining) chegaramizga yaqinlashishini kutmaymiz. Agar ular Iroqqa tahdid qilishni xayoliga ham keltirsalar, Suriya ichida bo‘lsa ham zarba beramiz», dedi Rasul.
