Iroq hukumati Livanning «Hizbulloh» harakati va Yamandagi xusiylar guruhini aktivlarni muzlatishga tortilgan tuzilmalar ro‘yxatidan rasman chiqardi. Bu qaror yakshanba kuni Terrorchilik aktivlarini muzlatish bo‘yicha qo‘mita tomonidan qabul qilingan bo‘lib, ularni ro‘yxatga dastlab kiritish haqidagi qaror faktik ravishda bekor qilindi.
Qo‘mitaning rezolyusiyasida ta’kidlanishicha, ushbu guruhlar «qaror qoidalari doirasiga kirmaydi», chunki ro‘yxat faqat DAYESh va «Al-Qoida»ga aloqador shaxslar va tuzilmalar bilan cheklangan. Bunday qaror 17 noyabrdagi rasmiy byulletenda ularning aktivlari muzlatilishi kerak bo‘lgan ob’ektlar sifatida qo‘shib qo‘yilgani ortidan yuzaga kelgan siyosiy tortishuvlarning ortdan qabul qilindi.
Payshanba kuni qo‘mita ularni ro‘yxatga kiritish «xato natijasi» bo‘lganini bildirib, uni darhol tuzatishini ma’lum qildi. Shu kuni Iroq Bosh vaziri Muhammad Shia al-Sudaniy shoshilinch tekshiruv o‘tkazishni buyruq qildi va e’lon qilingan qaror «amaldagi siyosiy pozisiyani aks ettirmaganini» qayd etdi. U Iroqning Livan va Falastin aholisiga nisbatan siyosiy va gumanitar pozisiyasi o‘zgarmasligini urg‘uladi.
Juma kuni Iroq Prezidentligi ushbu guruhlarni dastlabki ro‘yxatga kiritish bo‘yicha hech qanday ma’lumotga ega bo‘lmaganini va bunday qarorga rozilik bermaganini ma’lum qildi.
Eron oliy rahbari televideniye orqali murojaat qiladi
Galibaf: “Eronning javobi shunchalik dahshatli bo‘ladiki, ular yolvorib uzr so‘rashadi”
Eron nega arab davlatlariga zarba bermoqda?
