Internatura shifokori Qazaq Air samolyotidagi yo‘lovchining hayotini saqlab qoldi

Ostonalik intern shifokor Qazaq Air samolyoti bortida reanimasiya o‘tkazdi va yo‘lovchining hayotini saqlab qoldi.

Bu haqda Qozog‘iston OAVlari xabar bermoqda.

"Qizilo‘rda-Ostona reysi yo‘lovchilardan biri uchun deyarli fojiali bo‘lib qoldi — havoga ko‘tarilganidan so‘ng u o‘zini yomon his qildi, hushini yo‘qotdi, yuragi to‘xtab qoldi. Uning yonida stajyor Dinmuhammed Bekturgan bo‘lgan", — deyiladi aviakompaniya xabarida.

U birinchi tibbiy yordam ko‘rsatdi, yurak-o‘pka reanimasiyasini o‘tkazdi va samolyot qo‘nguncha yo‘lovchining hayotini saqlab qoldi.

Aviakompaniyaning ta’kidlashicha, yo‘lovchi parvoz oxirigacha hushida qolgan, biroq tushish vaqtida o‘zini yana yomon his qila boshlagan. Ostonaga yetib kelgach, uni tibbiy muassasaga olib ketishdi.