— Islomda jin chalish bor. Lekin bunga juda ham urg‘u berib, haddan ortiq e’tibor berib yubormaslik kerak. Taqvoli va parhezkor olim inson Qur’on oyatlaridan ixlos ila o‘qib dam solsa ketadi.
“Riboni yeydiganlar (qabrlaridan) faqat shayton urib, jinni bo‘lgan kishidek turarlar” (Baqara surasi, 275-oyat).
Ushbu oyati karimada jin chalishi haqida so‘z yuritilib, qanday holatda bo‘lishi bayon qilingan. Ya’ni ularning o‘zlarini tutishlari sog‘-salomat, aqlli kishilar kabi bo‘lmaydi. Odatda jin urib, aqldan ozgan kishilar tartibsiz va noto‘g‘ri harakat qiladilar. Dovdirab, o‘zini har tarafga urib, uyat ishlarni ham qilaveradilar. Sudxo‘rlarda ham ana o‘sha holat bo‘lar ekan (“Tafsir Hilol” kitobidan). Vallohu a’lam!