Inson huquqlari bo‘yicha O‘zbekiston Respublikasi Milliy markazi tomonidan Inson huquqlari umumjahon deklarasiyasi qabul qilinganligining 75 yilligi munosabati bilan 2023-yil davomida inson huquqlari sohasida faol va samarali hamkorligi uchun Oliy ta’lim, fan va innovasiyalar vazirligi tashakkurnoma bilan taqdirlandi.
Ushbu e’tirofga erishishda, shuningdek, oliy ta’lim muassasalarida ijtimoiy-siyosiy va huquqiy-profilaktik tadbirlarni tashkil etishda va bu orqali talaba-yoshlar orasida huquqiy savodxonlikni oshirishda Talaba va o‘quvchilarning ijtimoiy faolligini oshirish markazining hissasi katta. Shu sababli, Inson huquqlari bo‘yicha O‘zbekiston Respublikasi Milliy markazi tomonidan berilgan tashakkurnomani Ijtimoiy-siyosiy faollik va huquqiy savodxonlikni rivojlantirish bo‘limi boshlig‘i Mansur Boysariyev qabul qilib oldi.
Taqdirlash marosimi 10-dekabr “Inson huquqlari kuni” munosabati bilan tashkil etildi. Ushbu yutuqga erishishga o‘z munosib hissasini qo‘shgan barcha xodimlarga omad va zafarlar tilaymiz.