Infantino Krishtianu Ronalduning Portugaliya terma jamoasi bilan xayrlashishiga munosabat bildirdi

FIFA prezidenti Janni Infantino Portugaliya terma jamoasi bilan xayrlashayotgan Krishtianu Ronalduga bag‘ishlab murojaat e’lon qildi.

U Instagram sahifasidagi postida Ronalduni buyuk futbolchi deb atadi va kamdan-kam o‘yinchilar butun dunyodagi muxlislar qalbiga portugaliyalik futbolchi kabi ta’sir ko‘rsata olganini ta’kidladi.

Infantinoning qayd etishicha, Ronaldu futbol bo‘yicha jahon chempionatlari tarixida o‘z nomini abadiy muhrlagan. U portugaliyalik hujumchi jahon chempionatining oltita turli musobaqasida gol urgan birinchi futbolchi bo‘lganini eslatdi.

Shuningdek, Ronaldu erkaklar milliy terma jamoalari tarixida eng ko‘p gol urgan futbolchi hisoblanadi.