Indoneziya Turkiyadan harbiy texnika sotib olmoqda

Indoneziya va Turkiya o‘rtasida ko‘p milliard dollarlik harbiy kelishuv imzolandi. Bu haqda MSN manbasi xabar berdi.

🔹 Kelishuvga ko‘ra, Indoneziya Turkiyadan 48 ta KAAN beshinchi avlod jangchi samolyoti va 2 ta Istif turidagi fregat xarid qiladi.
🔹 Tomonlar kelishuv doirasida mahalliy ishlab chiqarishni yo‘lga qo‘yish va aero-harbiy sanoatni rivojlantirish borasida ham hamkorlik qiladi.

Samolyotlar uchun kontrakt 10 yil davomida amalga oshiriladi. E’tiborlisi shundaki, KAAN turdagi samolyotlar Turkiyada hali ommaviy ishlab chiqarishga chiqmagan — bu 2028 yilga rejalashtirilgan.

Istif turidagi birinchi fregat esa 2024 yili Turkiya harbiy-dengiz kuchlari ixtiyoriga topshirilgan.

Kelishuvni quyidagi shaxslar imzoladi:

• Turkiya mudofaa sanoati agentligi rahbari Xaluk Gorgun

• Indoneziya mudofaa vaziri Shefri Shemsuddin

• Turkiya aviasiya sanoati kompaniyasi bosh direktori O‘mer Jixat Vardan

• Indoneziya mudofaa korxonalari agentligi rahbari, marshal Yusuf Zaxari.

Bu kelishuv Turkiyaning global qurol bozoridagi mavqeini mustahkamlashi, Indoneziya uchun esa mudofaa salohiyatini yanada kuchaytirishi kutilmoqda.