Ilon Mask DOGE ishlanmalarini Markaziy razvedka boshqarmasi boshlig‘iga taqdim etdi

AQSh Hukumat samaradorligi departamentini (DOGE) nazorat qiluvchi milliarder Ilon Mask Markaziy razvedka boshqarmasi shtab-kvartirasiga tashrif buyurdi.

Bu haqda Axios portali xabar bermoqda.

"Boshqa davlat idoralaridan farqli o‘laroq, DOGE Markaziy razvedka boshqarmasi ma’lumotlar bazalari yoki ichki tizimlariga kirish imkoniga ega bo‘lmaydi, chunki ularning aksariyati o‘ta maxfiydir", — dedi Axios .

Unga ko‘ra, Mask Markaziy razvedka boshqarmasi direktori Jon Retkliff va uning o‘rinbosari Maykl Ellis, shuningdek, boshqa razvedka xodimlari bilan uchrashgan. U ularga DOGE xulosalarini taqdim etdi, bu esa Markaziy razvedka boshqarmasiga byudjet xarajatlarini qisqartirish harakatlarida foydali bo‘lishi mumkin.

Avvalroq razvedka xizmati o‘z ish samaradorligini oshirish uchun o‘z bo‘linmasini tuzgan edi – u bir necha haftadan beri faoliyat yuritmoqda, deya ta’kidladi nashr.