Hutiylar dronlar yordamida Isroilning to‘rtta muhim ob’ektlariga hujum qildi

Yamanning "Ansor Alloh" harakatidan hutiy isyonchilar tarafdorlari oltita uchuvchisiz uchish apparati yordamida Isroildagi to‘rtta nishonga hujum qildi.

Bu haqda harakatga tegishli Al Masirah telekanali efirida isyonchilar tuzgan qurolli kuchlar vakili Yahyo Sariya ma’lum qilgan.

Uning so‘zlariga ko‘ra, dronlar "o‘z maqsadlariga muvaffaqiyatli erishgan".

"Yaman qurolli kuchlarining dronlari to‘rtta noyob operasiyani amalga oshirdi, ular hujum davomida Isroilning Hayfa, Negev, Umm-ar-Rashrash (Eylatning arabcha nomi) va Beer-Sheva hududlaridagi to‘rtta muhim nishoniga oltita dron yordamida zarba berdi", — dedi Sariya.