Husanovning "Siti"dagi eng yaqin do‘sti jamoadan ketmoqda

"Manchester Siti" markaziy himoyachisi Vitor Reys faoliyatini Ispaniyada davom ettiradi.

19 yoshli braziliyalik futbolchi ijara asosida "Jirona"ga ko‘chib o‘tadi. Himoyachi La Ligada tajriba to‘plab, jamoaga qaytishni maqsad qilgan.

Reys hozirda Transfermarkt portalida 30 million yevroga baholangan. Uning "shaharliklar" bilan 2029 yil yozigacha shartnomasi bor.

Hamyurtimiz Abduqodir Husanov o‘z intervyularidan birida Reysni "Siti"dagi eng yaqin do‘sti ekanligini aytgandi.