Hukumat poytaxt havosini yaxshilash uchun nimalar qilmoqchi?

Avvalroq prezident Ekologiya vazirligini Ekologiya va iqlim o‘zgarishi milliy qo‘mitasiga aylantirish to‘g‘risidagi farmonni imzolagani haqida xabar berilgandi. Hujjat bilan, ekologiya sohasi bo‘yicha yangi choralar dasturi tasdiqlandi.

🔴 Yil oxirigacha mazut va shunga o‘xshash yuqori ifloslantiruvchi yoqilg‘ilardan foydalanishning oldi olinadi, shu bilan birga javobgarlik kuchaytiriladi.

🔴 1 dekabrdan respublika bo‘yicha AYQShlarda AI-80 benzini sotilishining oldini olish bo‘yicha qat’iy nazorat o‘rnatiladi.

🔴 Dekabr oyidan Toshkent shahrida yuk tashuvchi transportlar harakati tig‘iz vaqtlarda cheklanadi.

🔴 2026 yil martigacha ekologik talablarni belgilaydigan “Qurilishda ekologik faoliyat standarti” ishlab chiqiladi.

🔴 Kelasi yil apreligacha shamol yo‘nalishlari va tezligini hisobga olgan holda qurilishni amalga oshiruvchi standart ishlab chiqiladi.

🔴 2025 yil noyabr oyi oxirigacha “Yashil Toshkent” loyihasini amalga oshirish bo‘yicha respublika ishchi guruhi tuziladi. Ishchi guruh Toshkentda ko‘kalamzorlashtirish, yashil hududlar maydonini ko‘paytirish bilan shug‘ullanadi.

🔴 Respublikada 18 ta dendrologiya va 15 ta botanika bog‘lari tashkil etiladi.

🔴 Obodonlashtirish xizmatlari va “Yashil hudud” DM faoliyati takomillashtiriladi.