Asosan yoshlardan iborat norozilik aksiyasi qatnashchilari Nyu-Dehlidagi parlament binosiga bostirib kirishga urindi. Huquq-tartibot xodimlari namoyishchilarga qarshi tayoqlar va ko‘z yosh oqizuvchi gaz qo‘lladilar.
“Suvaraklar xalq partiyasi” (CJP) harakati tomonidan tomon tashkil etilgan namoyishni tarqatish jarayonida kamida 118 nafar polisiyachi va 60 ga yaqin namoyishchi jabrlandi. Bu haqda poytaxt polisiyasi ma’lum qildi.
May oyida Hindiston Oliy sudi sudyasi ishsiz yoshlarni mensimay, ularni "internetda o‘tirib, duch kelganga hujum qiladigan suvaraklar", deb ataganidan, shuningdek, 10 milliondan ortiq talabaga ta’sir qilgan tibbiyot oliygohlariga kirish imtihoni savollarining oldindan sizib chiqqani ma’lum bo‘lganidan keyin “Suvaraklar xalq partiyasi” harakati tashkil etilgan edi.
Hindiston yoshlari tomonidan faol ravishda qo‘llab-quvvatlanayotgan “Suvaraklar xalq partiyasi” imtihonlar o‘tkazishdagi qoidabuzarliklar bilan bog‘liq mojarodan so‘ng ta’lim vaziri Dharmendra Pradhanning iste’fosini talab qilmoqda. Biroq noroziliklar tezda bitta muammo doirasidan chiqib ketdi va yosh hindistonliklarning cheklangan karera istiqbollari hamda mamlakatdagi iqtisodiy qiyinchiliklarga nisbatan umumiy noroziligiga aylandi.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Eron 200 nafardan ortiq amerikalik harbiy xizmatchilarni yo‘q qildi
